Максім Багдановіч – яркая і незгасальная зорка на небасхіле беларускай літаратуры: таленавіты паэт, публіцыст, перакладчык, рамантык, гуманіст. Да 130-годдзя з дня нараджэння славутага творцы ў Валожынскім краязнаўчым музеі адбылася імпрэза з удзелам вучняў 2-га класа і выхавацелем ГПД Таўгень Л.С. гімназіі № 1 г. Валожына.
Тэмай мерапрыемства стала вершаваная казка з фальклорнымі матывамі “Мушка-зелянушка і камарык-насаты тварык”. Падчас прагляду мультымедыйнай прэзентацыі дзеці даведаліся пра сям’ю Максіма Багдановіча, яго жыццёвы і творчы шлях. Пазнаёміліся з героямі вершаванай казкі і беларускімі традыцыямі і абрадамі, якія ўзгадаў Максім Багдановіч у сваім творы, а таксама пачаставаліся “вясельным” караваем.
Пасля вучні паглядзелі запіс спектакля “Мушка-зелянушка і камарык-насаты тварык” у выкананні дзіцячага тэатральнага калектыва “Жаронцы” Ракаўскага цэнтра народнай творчасці. Напрыканцы імпрэзы дзеці выразна прачыталі вершы Максіма Багдановіча.